غرفة نومي وكيف خططت لهآ || How i plan my room

                                 السلآم عليكم ورحمة الله وبركاته

لي فترة وانا مشتهية اغير غرفتي ، مشتهيه اصممهآ زي ما ابي و بنفسي ، و منهآ ابي اطلع المصممة الصغيرة الي بداخلي ^^

أبيهآ غرفة مريحة للنظر مافيهآ اشياء بارزة كثير لا تحف ولا ابجورات ولا تفاصيل صغيرة ، ابيها تفاصيل كبيرة و رئيسية فقط والباقي محطوط بالدروج او بالصناديق ، وبمآ ان الغرفة طويلة بشكل واضح قررت اقسمهآ قسمين القسم الأول فية الخزاين  ، و القسم  الثاني فية سريري و اغراض  روز 3> ..

ولأن غرفتي القديمة كانت خشب بيج و ألوانها دافية  و الأرضية خشب بني و كانت طقم كاملة قررت غرفتي ذي تكون منفصلة وكل شي من مكآن مختلف اهم شي تكون كلهآ مع بعض زي ما ابي ، الغرفة الجديدة كانت فاضية  فيهآ ارضية سيراميك اخضر و مصبوغة اخضر باستيلي و ستارة خضرا غامق مخمل ..

قررت اغير الارضية و الصبغ و اشيل الستارة ، اخترت باركية رمادي وسط لا فاتح ولا غامق و لون الجدار حبيته مع الباركيه فما غيرته وشلت الستارة ^^ ..

وبعد هالخطوات بديت ابحث بصور بالنت تشابة افكاري لغرفتي ، صرت اتفرج كثير ع غرف النوم في اليوتيب وخاصة غرف البلوقرز الاجنبيآت لانهآ عالم كامل و جولات غرف النوم غرفهم عالم كبير خاص فيهم بعضهم دورين و بعضهم حاطين زاوية خاصه بالقراءة او بالهوايات الي يحبونهآ  . 

 هذي افضل ال Room Ture الي عجبتني //

أقتبست  الاشياء الي ابيهآ وعجبتني و تناسب مساحتي و احتياجاتي وبديت اخطط للغرفه ^^ 

بديت ارسم مخطط لغرفتي بالمقاسات و ارتب أماكن الأغراض في الغرفة ، طبعآ غرفتي طويله  قياساتهآ ٨ في٤ونص  متر   .. 

تقسيمي كان ٣ متر في ٤،٥ للقسم الاول الخزاين و الباقي للقسم الثاني سريري و زآوية روز 3> .. 

ورسمت مخطط غرفتي بهالشكل  .. 

القسم الاول اخترته من ايكيا ، يعجبني ترتيبهم للخزاين و افكارهم واسعارهم طبعآ

واستفدت كثير من  بروشور خزاين ايكيآ  في تنسيق وترتيب الادراج و السلال والرفوف داخل الخزانة

والقسم الثاني من كل بحر قطرة ههههههههه 

وحاليآ جالسة اكمل شوية رتوش بس تخلص حسوي لكم Room Tour :)