The Trends of Fashion 2015 || The Denim

The Denim   ||   الجينز

اليوم حتكلم عن الدنيم او الجينز بمآ اني مكثرة منه لي و لروز بالفتره هذي  لانه رجع بقوة و صار من اتجاهات الازياء في ٢٠١٥  ،  الجينز قماشته سميكة و قوية و ماتقدم بسرعة و دايمآ بنطلون الجينز حاظر في جميع الاوقات بدرجات مختلفة خصوصا للاطفال  و حتى الشوزات و الشنط دخل الجنز فيهآ  من قريب كثير مصممين دخلوه في فساتين السهرات طبعآ بالنسبة لي الجينز ممكن يكون في كل زمان و مكان الا السهرات مستحيل اتخيله مهما كان جميل و طبعآ ما احبة للكبيرات في السن ابدآ يعني بعد عمر طويل بس اصير بالخمسين راح اتبرع بجميع قطع الجنز في دولابي هههههههه .

الحين المهم أنواع الجينز و كيف ممكن نلبس قطع الجينز ؟ بالنسبة لي قطع الجنز هي الي اشتريهآ وانا مغمضة بدون أقول كيف ومع ايش و متى تنلبس لان اي قطعه ثانية اضيفهآ للجينز مستحيل تتعارض معاه زية زي الليقنز حبيب آلبي 3>  ، ينلبس مع اي تي شيرت و سكارف وشوز ملفت تصيرين حلوة وممكن مع بدي و جاكيت وشوز ناعم تصيري انيقة وممكن مع جيلية وفوقة حزام و ستيتمت تصيري خقة ^^  المهم تلبسين بالشكل الي يطلعك جميلة حتى لو كان لوك تقليدي او معتاد هو حلو عليك خلاص أعتمدي عليه ، انا كثير احب انسق القطع واتخيلهآ علي قبل اقرر اشتريهآ و الحين حنشوف سوآ أنواع الجينز ( الدينم ) .. 

                               SKINNY JEANS     ||     سكيني جينز    

1  //  2  //  3  //  4

5  //  6  //  7  //  8

السكيني جينز هو الجينز الضيق يصير ماسك على السيقان جدآ جميل واكيد مايخلو من دولاب اي بنت ، طبعآ الوانه كثير و الجينز نفسة يجي بدرجات مختلفه  من الغامق الى الفاتح  في منه الهاي ويست و اللوو ويست اذا انتي  نحيفة او متوسطة البنية سيقانك شكلها مرتب ولا فيهآ زوايد اكيد يناسبك جميع الالون و الأ نواع بينما لو كنتي من المليانات و الي الجزء السفلي عندهم عريض وفيه زوائد  يفضل تختارين اللون الغامق عشان مايبرز عيوبك وهذا هو المهم . 

LEGGING JEANS     ||     JEGGING JEANS     ||     الجيقنز

1  //  2  //  3  //  4  

الجيقنز هو ليقنز بقماش الجينز ويكون الجينز قماشته خفيفة مرآ بعضهآ يكون استرتش مرآ و بعضهآ فيه نسبة بسيطة استرتش ، الي الاسترش فيهآ بسيط هذي افضلها مع قطع طويله و فضفاضة اما الي الاسترش فيهآ نسبته كبيرة  انا ما احبه ابدآ بالنسبة لي مثلة مثل الليقنز ينلبس بالبيت مع اي تيشيرت للرآحه أما للطلعات ماينلبس يعطي لوك رخيص و مو مرتب يعني بعيد عن الاناقة  . 

 

BOYFRIEND JEANS     ||     البوي فريند جينز 

1  //  2  //  3  //  4  

البوي فريند جينز هو نفسة الجينز العادي بس يكون وسيع وباين مو مقاسك و اغلبة يجي من تحت مصفط او مكفس على برآ جدا جميل مع الجاكيتات او السويترات او اي تي شيرت وسيع و ستيتمنت و يناسب الكل ماعادا المليانة من تحت او الي حوضهآ عريض ابدآ ما أنصحهآ اذا حابة تبقى انيقة  هو يغلب علية الطابع الشبابي يعني مايصحش للكوبآر :$ . 

 

DISTRESSED JEANS     ||     الجينز المهتري 

1  //  2  //  3  

الجينز المهتري هو جينز بس قماشه متنتف آو متقطع هو تريند هالموسم بقوة و اشوفه جميل و شبابي بس مو انيق ابدآ ممكن البسه عند صحباتي و بعايلتي و جمعة بنات لاكن مستحيل اطلع فيه للناس او جمعات حريمه ، بعض الجينزات يكون الشقوق صغيرة و خفيفة هي الي احبهآ و تعجبني بس لو كانت الشقوق اوفر ما احبه مرآ ، دائمآ انا في الازياد و اتجاهات الموضة مع هالمقوله  كثرة الشي بياخه  .

ROLLED CUFF JEANS     ||     الجينز المصفط او المكفس 

1  //  2  //  3  //  4  

الجينز المصفط هو اي نوع من انواع الجينز تكون نهايته من تحت مصفط هي حركه تضاف للجينز و ممكن انتي تعمليهآ بنفسك وماتغير في الشكل ابدآ زيهآ زي الاكسسوار يحليك كيف ماكان شكل جسمك .

  

 CROPPED JEANS     ||     الجينز القصير ( الميدي ) ( الأشتر ) 

1  //  2  //  3  

الجينز الكروبيد هو الي سيقانه مقصوص من طولها شوي تبين قصيره مو طويلة لنهاية الكاحل ، جدآ جميلة و تلفت النظر للشوز أحبهآ مع بلايز فضفاضة او فيهآ شغل .

هذي بعض انواع الجينز الدارجة هالفتره و اتمنى حبيتوهآ و استفدتو منهآ لو شوية ، دمتم أنيقآت 3> ..