السلآم عليكم ورحمة الله وبركاته
آخيرآ اتنتهت الآجازة و كانت بالنسبة لي سعيدة و جميلة و اتمناها كذآ للكل ^^
بداية الاجازة نزلت ٣ ايام في قطر ، كانت ايام خفيفة وجميله و ممتعة ولله الحمد ..
زرت فيهآ اماكن جميلة مراا و في كثير اماكن ما عرفتها الا لمن رجعت و الوقت كان مرا ضيق وباذن الله ارجع لها قريب :)
فترة أقامتنا ٣ ايام كانت بهالفندق اخذنآ ديلوكس روم كل شخصين بغرفة
الفندق
كان مرتب و نظيف وخدماتة حلوة ، اغلب وقتنا برا الفندق ما نجي له الا وقت النوم فقط
كان مرتب و نظيف وخدماتة حلوة ، اغلب وقتنا برا الفندق ما نجي له الا وقت النوم فقط
الاماكن الي زرتهآ //
* كتارآ *
هو عبارة عن مجموعة مطاعم و مقاهي تطل على البحر وفي انشطة بسيطة وفيه المدرج اليوناني حوالينه ايضا مطاعم و مقاهي يعني مكان للاستجمام و الاكل وفيه سوبرماركت صغير ، وفية شاطئ صغير مرتب ونظيف فية كراسي و زوارق صغيرة ، انا رحت لكتارا مرتين المرة الأولى الساعة ٢ الظهر كانت الشمس قوية و فوق راسي و حر مو طبيعي و ما برد علينا الا ايس كريم والمرة الثانية جيتهآ الساعه ٩ الصباح كان الجو جميل غيوم و رشاش مطر .
صغير مرتب ونظيف فية كراسي و زوارق صغيرة ، انا رحت لكتارا مرتين المرة الأولى الساعة ٢ الظهر كانت الشمس قوية و فوق راسي و حر مو طبيعي و ما برد علينا الا ايس كريم والمرة الثانية جيتهآ الساعه ٩ الصباح كان الجو جميل غيوم و رشاش مطر .
( جباتي و كرك )
جلسنا نفطر في جباتي و كرك اكلت فيه مرتين مرة كان فطوري و مرة اخذت منه و انا ماشية حبيته كثير وفي كل مرة اخذ ٣ كاسات كرك هالكرك لذيذ مراا فية طعم يميزة واخذت من عندهم جباتي حالي و جباتي سادة و كلهم حلوين و لذيذين اعتقد بس هذا المنيو الي عندهم .
* سوق واقف *
هو سوق ستايلة و بناياتة من الطراز القديم وممزوج بالحداثة ، جميل مرا صراحة و فيه مقاهي مغربية و ايرانية و ايطالية و في مطاعم شعبية تبيع مرقوق و جريش و هريس و فيه قهاوي وشيشة ، المحلات الموجودة فيه اغلبها تبيع حيوانات او حلويات بالجملة او تذكارات قطر او زل او اقمشة قديمة ، انا جيتة مرة افطرت فية من زعتر و زيت و اخذت الغداء من ام محمد للمأكولات الشعبية تيك اواي .
زعتر و زيت
مطعم صغير و جميل فيه جلسات داخلية و في خارجية يقدم كل الوجبات مع الحلى ، احنآ جلسنا بالجلسات الخارجية وقتهآ كان الجو حلو و طلبنا الفطور شاي منعنع و عصير ليمون مع نعناع و كبتشينو كلهم كانو حلوين و لذيذين و طلبنا مناقيش زعتر و موز بالشوكلاته و بيض عيون ومناقيش جبنة ولحمة و حلومي والاكل لذيذ وخفيف .
ام محمد للمأكولات الشعبية
اخذنآ منها الغدا ورحنا ع الفندق نريح ، طريقتهآ تعبي من النوع الي تختارينه في صحون ب ٣ احجام كل حجم له سعره ، اخذنآ مرقوق و جريش و رز مصقوع صحون كبيرة و اخذنآ مكرونة صحن وسط المكرونه و الجريش عادين بصراحة مافيهم طعم غريب ابد ، بينما المرقوق والرز المصقوع لذيذين مرآآآ انصحكم تجربونه .
نريح ، طريقتهآ تعبي من النوع الي تختارينه في صحون ب ٣ احجام كل حجم له سعره ، اخذنآ مرقوق و جريش و رز مصقوع صحون كبيرة و اخذنآ مكرونة صحن وسط المكرونه و الجريش عادين بصراحة مافيهم طعم غريب ابد ، بينما المرقوق والرز المصقوع لذيذين مرآآآ انصحكم تجربونه .
* The Gate Mall *
جيتة ع الساعة ٩ بالليل الوقت مرااا متاخر ادري يادوب دخلت محل شوكلاتة و اخذت منه كم شغله و محل شوزات و قفل المجمع ، ونزلت اتقهوى في ليلى من لبنان لين ١٢ الليل و رجعنآ للفندق .
ليلى من لبنان
مقهى و مطعم لبناني صاحبته امرأة اعمال تعيش في لندن و فتحت مطعمهآ في قطر و البحرين ( حسب كلام النادلة بالمطعم ) ، المنيو حلوياتة لبنانية بحت بالاضافة لانواع القهوه + القهوه البنانية ، تقهوينآ فية و اخذنآ قهوة لبنانية و شاي منعنع و كبتشينو و عصير ليمون و اخذنآ غزل بيروت لذيذ مرا و حلاوة جبنه لذيذ بعد .
* متحف الفن الاسلامي *
رسمة روز
المتحف رائع جدآ الدور الارضي فية معرض و محل لبيع التذكارات ومقهى و الدور الثاني متحف للمصاحف و الباقي ماجيته ، كان فية معرض الحيوانات الاسطورية جميل جدا و مبهر صراحة اول مره اعرف عن الكائنات هذي و بنهاية المعرض عندهم غرفة للرسم يعرضون فيهآ مجسمات للكائنات الي بالمعرض و الاطفال يرسمون الي يبون وتتعلق رسماتهم وشريت من محل التذكارات نوتات مغلفة برسمات تاريخيه جميلة .
* villaggio qatar *
مجمع تسوق جميل جدآ مصمم ليحاكي مدينة البندقية وحاطين نهر و فيه جندول للي يبي يركب ويعيش التجربة هههه ، المحلات مقسمة لقسمين قسم المحلات العادية وقسم لل Vib بوتيكات الهاي براند وفيه شوية مطاعم و مقاهي ، تعشينا في تشك تشاك لأول مره وكان لذيذ بس البرقر صغير شوي ههههههههه والبطاط حقهم لذيذ مراااا واخذنا منه وجبات و احنا طالعين للسعوديه ههههههه .
ليست هناك تعليقات:
إرسال تعليق